1. #1
    Administrator

    Join Date
    Aug 2011
    Location
    Lahore, Pakistan
    Posts
    4,455
    Blog Entries
    9

    Preface: Umera Ahmad Novel - Thora Sa Asmaan

    Aasmaan woh urooj hai jis ko panay ki khuwahish hamain hamesha bay tab rakhti hai. Hum sab kabhi na kabhi Thora Sa Asmaan zaroor talaash kartay hain. Iss talaash mai bohat say loag bohat kuch kho detay hain aur baaz daffa iss talaash mai hum apnay pairon kay neechay mojood zameen ko thokar maar detay hain.Phir jab Asmaan tak pohanch nahi patay tu waapis zameen per aanay ki koshish kartay hain tab ba...az daffa zameen hamain paaon rakhnay ki jagah nahi deti.


    Iss novel kay saaray kirdaar bhi aap ko iss hi talaash mai sargardaan nazar aayain gay.Yeh talaash unhain kahan lay jati hai iss ka faisla unn kirdaaron ko nahi aap ko karna hai.Hum loag novel parhtay hue apnay aap ko hamesha hero,heroine ya acchay kirdaaron mai paanay ki koshish kartay hain.Haqeeqi zindagi mai baaz daffa hum saari zindagi manfi kirdaar ada kartay rehtay hain.


    “Thora Sa Aasman” ko parhtay hue aap apnay aap ko masbat kay bajaye manfi kirdaaron mai talaash karnay ki koshish kijiye ga.Mera daawa hai,hum mai say her aik iss noel mai kisi na kisi kirdaar mai apni jhalak zaroor dekh lai ga.Phir jab aap is novel mai khud ko pehchaan lain aur jiss kirdaar mai khud ko payain,who manfi ho tu aankhain band mat karain.


    Iss novel kay kirdaaron kay aamaal aur zindagi ko aap nahi badal saktay.Woh sirf meray haath mai hai. Haqeeqi zindagi mai apnay aamaal aur kirdaar ko aap badal saktay hain.Woh sirf aap kay hath mai hai.




    Tu kiya aap duniya ka sab say mushkil kaam karain gay?Zindagi mai apni buraiyyon aur uss say hona wali doosron ki zindagi ki tabaahi ko khatam karna chahain gay?


    Iss novel ko mukammal parhnay k baad aik baar phir inn chand satron ko parh kar khud say poochiye kiya aap na duniya ka sab say mushkil kaam kia? Aayain khud ko talaash karain.

    Preface : Thora Sa Asmaan

  2. # ADS
    Circuit advertisement
    Join Date
    Always
    Location
    Advertising world
    Posts
    Many
     

Visitors found this page by searching for:

Nobody landed on this page from a search engine, yet!
SEO Blog

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  

Log in

Log in