1. #1

    Namaz e Janaza Ka Tarika Method Ahle Sunnat

    Namaz e Janaza Ka Tarika Method Ahle Sunnat

    namaz janaza ki niyat aur Tarika


    Sab say pehlay aap Wuzu karain aur mayyat ko smnay rakh kar Imam kay peechay saff bandi kar lain. Yad rahay keh aap ne saff bandi taaq qataar (odd numbers) mein karni hai (yani 1, 3, 5, 7, 9, 11, 13-----Rows) juft qataar (even numbers) mein nahin karni (yani 2, 4, 6, 8, 10 12------rows). Agar aap ko yaqeen hai keh jagah pak saaf hai tou aap apnay jootay utar kar sides par ya apnay peechay rakh lain aur namaz ki niyat kar lain aur agar aap yeh samjhtay hain keh jaga na-pak honay ka andeshah hai tou aap apny jootay utar kar apnay paon kay neechay rakh lain matlab yeh hai keh aap nangay paon apnay jooton kay ooper kharay ho jayen.

    Niyat: Mein Niyat karta hoon Iss Mayyat kay janaza ki namaz ki, 4 Takbeer Namaz Janaza, Farz Kafaya, Sanaa Allah Ta’ala kay liye, Darood Nabi Akram Sallallahu Alaihi Wa Sallam kay liye, Duaa Hazir mayyat kay liye, Peechay Iss Imam kay, Moonh ba-taraf Kaa’ba Shareef kay.
    Tarika: Jab Imam Allah o Akbar kahay tou aap bhi Allah o Akbar kehtay huway apnay dono hathon ko kaano tak utha kar apni naaf kay neechay usi tarah bandh lain jesay amoomi taur par har namaz mein bandh’tay hain aur Phir Sanaa Parhain. Jab Imam doosri martaba Allah o Akbar kahay tou aap bhi taqleed mein Allah o Akbar kahain lekin yad rahay keh ab aap ne hath nahi uthanay. Ab aap Darood e Ibrahim parhain. Darood Pak kay parh’nay kay baad Imam teesri martaba Allah o Akbar kahay tou aap bhi baghair hath uthaye taqleed mein Allah o Akbar kahain. Ab aap badastoor hath bandhay huway Duaa parhain. Duaa kay khatmay kay baad Imam chothi martaba Allah o Akbar kahay ga aur uss kay sath hi salam (Assalam o Alaikum Wa Rahmatullah) kay kalmat adaa kartay huway apnay daien taraf (right side) aur phir doosri martaba Assalam o Alaikum Wa Rahmatullah kehtay huway Imam baien taraf (left side) chehra kartay huway Janaza ki namaz khatam kar day ga, aap ne bhi usi tarah Imam ki taqleed karni hai aur chothi martaba Allah o Akbar kehnay kay baad apnay daien taraf Assalam o Alaikum Wa Rahmatullah kehtay huway apna chehra ghumana hai aur phir bilkul isi trah Assalam o Alaikum Wa Rahmatullah kentay huway aap ne apnay baien taraf chehra ghumana hai. Ab namaz khatam ho gai. Safon ko khatam kar dain aur phir Imam ki imamat mein hazir mayyat key liye maghfirat ki ijtimaee duaa karain.

    Har aaqil o baligh mard, aurat aur na-baligh bachon (larka ya larki) kay janaza ki namaz ka tarika aur niyat yeh hi hai, farq sirf yeh hai keh aaqil o baligh mard ya aurat ki mayyat kay liye namaz ki duaa aik hi hai jab keh na-baligh larkay aur larki kay liye alag alag duaain hain.


    Namaz e Janaza - Mazeed Tafseel Ba-Mutabiq Ahle Sunnat Hanafi Maslak




    Last edited by ARKLodhi; 05-14-2017 at 02:25 AM.

  2. # ADS
    Circuit advertisement Namaz e Janaza Ka Tarika Method Ahle Sunnat
    Join Date
    Always
    Posts
    Many
     

Visitors found this page by searching for:

namaz e janaza na balig larka

sunnat namaz ka tarika

namaz janaza aap

na baligh larka namaz janaza

namazy e janaza aap

namaz janaza darood pak

nimaz e janaza darood

SEO Blog

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  

Log in

Log in