1. #1
    Administrator

    Join Date
    Aug 2011
    Location
    Lahore, Pakistan
    Posts
    4,455
    Blog Entries
    9

    Jis simt bhi dekhu nazar aataa hai ke tum ho (by Ahmad Faraz)

    jis simt bhii dekhuu.N nazar aataa hai ke tum ho

    ai jaan-e-jahaa.N ye ko_ii tum saa hai ke tum ho

    ye Khvaab hai Khushbuu hai ke jhonkaa hai ke pal hai
    ye dhundh hai baadal hai ke saayaa hai ke tum ho

    is diid kii sa_aat me.n kaii rang hai.n larazaa.N
    main huun ke koii aur hai duniyaa hai ke tum ho

    dekho ye kisii aur kii aa.Nkhe.n hai.n ke merii
    dekhuu.N ye kisii aur kaa cheharaa hai ke tum ho

    ye umr-e-gurezaa.N kahii.n Thahare to ye jaanuu.N
    har saa.Ns me.n mujh ko ye lagataa hai ke tum ho

    har bazm me.n mauzuu-e-suKhan dil zad_gaa.N kaa
    ab kaun hai shiirii.n hai ke lailaa hai ke tum ho

    ik dard kaa phailaa huaa saharaa hai ke mai.n huu.N
    ik mauj me.n aayaa huaa dariya hai ke tum ho

    vo vaqt na aaye ke dil-e-zaar bhii soche
    is shahar me.n tanhaa ko_ii ham saa hai ke tum ho

    aabaad ham aashuftaa saro.n se nahii.n maqtal
    ye rasm abhii shahar me.n zindaa hai ke tum ho

    ai jaan-e-'Faraz' itanii bhii taufiiq kise thii
    ham ko Gam-e-hastii bhii gavaaraa hai ke tum ho

  2. # ADS
    Circuit advertisement
    Join Date
    Always
    Location
    Advertising world
    Posts
    Many
     

Visitors found this page by searching for:

Nobody landed on this page from a search engine, yet!
SEO Blog

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  

Log in

Log in