1. #1
    Administrator

    Join Date
    Aug 2011
    Location
    Lahore, Pakistan
    Posts
    4,455
    Blog Entries
    9

    bahut aChcha bhi lagta hai! (by Amjad Islam Amjad)

    bahut aChhaa bhi lagta hai,
    achaanak is tarah dil ka dobarah mubtila hona,
    muhabbat aashna hona,

    magar jab dekhta huuN
    vaqt kitna jaa chuka hai
    raastoN kii dhuul
    qadmoN aur saroN par kis tarah se jam chukii hai,

    aur ham tum
    apnii apnii zindagii ke daayiroN meN
    apnii apnii gardishoN meN
    is tarah uljhe hue haiN
    jis tarah dasht-e-falk meiN saath chalte,
    do sitaare
    jo bazaahir paas lagte haiN
    magar un kii rafaaqat miN
    karoRoN miil kii tanhaai ka dariya bhii hota hai,

    "yeh dariya paar kaise ho?
    na tum ho us kinaare par
    na ham haiN is kinaare par"

    so behtar hai
    ham apne apne daayiroN ke is Khala meiN ghuumte jaayeN
    sitaaroN kii tarah
    ik saath chamkeN aur damkeN to sahii lekin
    yeh apne biich meiN jo faasloN ka surKh dariya hai

    ise tasliim hii kar leiN!
    k is be_pul ke dariya meiN
    na tum hii tair sakte ho,
    na ham hi tair sakte haiN!

    bahut aChhaa to lagta hai,
    achaanak is tarah dil ka muhabbat aashna hona!
    dobaara mubtila hona!!

  2. # ADS
    Circuit advertisement
    Join Date
    Always
    Location
    Advertising world
    Posts
    Many
     

Visitors found this page by searching for:

bohot achcha bhi lagta hai

SEO Blog

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  

Log in

Log in