1. #1
    Administrator

    Join Date
    Aug 2011
    Location
    Lahore, Pakistan
    Posts
    4,450
    Blog Entries
    9

    Ajab Pagal Si Larki Hai

    Ajab pagal si larki hai……..
    Mujhe har khat mein likhti hai
    Mujhe tum yaad kerte ho……..
    Tumhe mein yaad aati hoon?
    Meri batein satati hein …….
    Meri neendain jagati hein?
    Meri ankhein rulati hein?
    December ki sunehri dhoop mein ab bhi tehaltey ho?
    Kisi khamosh rastey se koi awaaz aati hai?
    Titharti sard raatoon mein tum ab bhi chat pe tehalte ho?
    Falak ke sab sitaroon ko meri baatein sunate ho?
    Kitaboon se tumhare ishq mein koi kami ayi?
    Ya meri yaad ki shiddat se ankhoon mein nami ayi?

    Ajab pagal si larki hai….
    Mujhe har khat mein likhti hai
    Jawab ab usko likhta hoon….
    Meri masroofiyat dekho
    Sehar se shaam office mein charagh e umar jalta hai
    Phir uske baad duniya ki kayi majbooriyan paon mein bairi daal rakhti hein
    Mujhe be fiker chahat se bharey sapney nai dikhte
    Tehaltey jaagte roney ki fursat hi nahi milti
    Sitaroon se mile arsa hua naraz hein shayad
    Kitaboon se shugaf mera abhi waise hi qaim hai
    Bas ab itna hua hai mein unhe arsey mein parhta hoon
    Tumhein kisne kaha pagli tumhe mein yaad kerta hoon?
    Ke mein khud ko bhulaney ki musalsal justujoo mein hoon
    Tumhe na yaad aaney ki musalsal justujoo mein hoon
    Magar ye justujoo meri bhot nakaam rehti hai
    Mere din raat mein ab bhi tumhari shaam rehti hai
    Mere lafzoon ki har maala tumhare naam rehti hai
    Tumhein kisne kaha pagli mujhe tum yaad aati ho?
    Purani baat hai jo log aksar gungunate hein
    Unhein hum yaad kerte hein jinhein hum bhool jate hein

    Ajab pagal si larki ho…..
    Meri masroofiyat dekho
    Tumhein dil se bhulaon tu tumhari yaad aye na
    Tumhe dil se bhulaney ki mujhe fursat nai milti
    Aur is masroof jeevan mein….
    Tumhare khat ka ik jumla
    Tumhein mein yaad ati hoon?
    Meri chahat ki shiddat mein kami hone nai deta
    Bhot raatein jagata hai mujhe soonay nai deta
    So agli baar apne khat mein ye jumla nai likhna

    Ajab pagal si larki hai….
    Mujhe phr bhi ye kehti hai
    Mujhe tum yaad kerte ho…
    Tumhe mein yaad ati hoon?

  2. # ADS
    Circuit advertisement
    Join Date
    Always
    Location
    Advertising world
    Posts
    Many
     

Visitors found this page by searching for:

Nobody landed on this page from a search engine, yet!
SEO Blog

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  

Log in

Log in