1. #1

    Post Ghazal Shayari:Ashk Aankhon Mein Chhupatay Howay Thak Jata Hun

    Mohsin Naqvi Poetry

    Ashk Aankhon Mein Chhupatay Howay Thak Jata Hun
    Bojh Paani Ka Uthaatay Howay Thak Jaata Hun

    Paon Rakhtay Hain Jo Mujh Per Unhain Ehsaas Nahi
    Mein Nishaanaat Mitaatay Howay Thak Jaata Hun

    Barf Aisi Ke Pighalti Nahi Paani Ban Kar
    Pyaas Aisi Ke Bujhaatay Howay Thak Jaata Hun

    Achi Lagti Nahi Is Darja Shanasaayi
    Haath Haathon Se Milaatay Howay Thak Jaata Hun

    Gham Gusaari Bhi Ajab Kaar-e-Mohabbat Hai Ke Mein
    Ronay Waalon Ko Hansaatay Howay Thak Jaata Hun

    Itni Qabrain Na Banao Mere Andar “Mohsin”
    Mein Charaaghon Ko Jalaatay Howay Thak Jaata Hun

  2. # ADS
    Circuit advertisement Ghazal Shayari:Ashk Aankhon Mein Chhupatay Howay Thak Jata Hun
    Join Date
    Always
    Posts
    Many
     

Visitors found this page by searching for:

Nobody landed on this page from a search engine, yet!
SEO Blog

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  

Log in

Log in